藝人為咗上鏡瘦啲，經常都要控制飲食，男神謝霆鋒當然都唔例外，依家41歲嘅佢出道逾20年，身形都從來未試過走樣，一直都係Keep住Fit爆身形嘅秘訣，原來就係靠自律！佢近日接受內地媒體訪問時，同主持人邊食邊傾，但係佢全程都只係「淺嘗」，仲話只係食兩啖就夠啦，唔敢食太多驚肥喎！佢透露平時午餐只會食5隻蝦、2個番茄仔同小量嘅菜，仲話就算係出名係低熱量嘅「減肥恩物」三文魚，都會令佢變肥喎，真係夠晒自律呀！但係身為一個大男人只係食咁少嘢，令到主持人都相當佩服，不禁慨嘆做演員真係唔容易呀！
至於身為「Chef Lemon」嘅佢，不時都要研發新菜式，同埋帶大家食好嘢，少不免會食咗好多嘢落肚，咁佢點樣可以食極都唔肥呢？佢話每次食完之後，佢都會肥咗幾磅，所以佢就會成日去健身、打拳等，務求令自己長期保持最佳狀態，所以話呢要Keep Fit，自律真係好重要！但係網民睇見佢只係食咁少嘢都戥佢辛苦，仲話如果賺咁多錢都只係食咁少嘢，人生都變得冇意義喎，仲有網民覺得寧願Keep住肥好過啦，起碼有啖好食呀！
另外，雖然王菲和謝霆鋒世紀復合多年，但依然愛得低調，更不時傳出婚訊，日前謝霆鋒在一個訪問中，被問到對於現在世事多變，很多事都預計不了，有否想過何時會結婚時，霆鋒聞言即展露微笑的說：「唔會結婚！」不少網友反而表示支持，認為他們可以永遠甜蜜的談戀愛，一張婚書反而令這段愛情添了俗氣：「婚書不能證明甚麼！」、「好好的談戀愛！」、「不反對！是否結婚是自己的決定！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
