曾在長洲cafe守候跟蹤 Regen被神秘男士騷擾多年感心寒
前女子組合HotCha成員之一的張惠雅（Regen），近年除了繼續其演藝工作外，亦在長洲開cafe，幾乎所有事都親力親為，早前便因cafe遲遲未能成功申請牌照一事，在網上大吐苦水。近日Regen又再在IG留言，自爆被一位男士騷擾多時，令她不勝其煩。
最近Regen在IG限時動態，轉眼該位男士的私訊，當中他留言：「你怕咩俾人知？怕俾傳媒hack你手機，知道我哋嘅嘢？......咁其他人點approach你？拍咁多次拖，啲仔點搵你？怕俾人知道，話我係狂迷，你有幸福先算啦。」而Regen則表示：「好大段時間俾呢個人騷擾，完全唔識但係幻想好多無發生過嘅事，好恐怖，block完一個acc又一個新，仲會騷擾我身邊嘅人，inbox或者whatsapp佢哋鬧佢哋。」最後Regen還指該男士更曾到長洲cafe等她及看着她離開，令Regen感到人生安全受威脅。
就此事本報聯絡Regen，她表示：「佢騷擾咗我幾年，我初時以為佢只係fans，但後來佢似係聽歌太投入，覺得我唔止係佢女友，仲做啲嘢背叛咗佢，搞到我都怕我自己係咪失憶，真係同佢相識過。佢講晒粗口，又嚟過我舖頭幾次，所以我有啲朋友鬧過佢叫佢唔好再騷擾我。」Regen表示對方暫時再沒有到過她的cafe，希望公開事件令他可以停止騷擾行為。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
