李克勤首次加盟內地歌唱節目《中國好聲音2021》做導師，就點石成金成功培育出冠軍學員伍珂玥，佢一鳴驚人嘅造王潛能，令人有意外驚喜，連擁有豐富導師經驗嘅汪峰都成為新手克勤嘅手下敗將。汪峰日前出席活動時，就講明唔會叫克勤同伍珂玥嚟食慶功宴，不過就唔係玩小器，而係怕咗克勤咁話喎。
汪峰話《好聲音》圓滿落幕後，自己都有請一班導師同學員食飯當慶功，畢竟相處咗成3個月，大家經常講笑，都累積咗深厚感情，不過唯獨冇叫冠軍級嘅克勤同伍珂玥嚟食飯，佢解釋相當搞笑話：「請李克勤、伍珂玥這對冠軍組合，誰還注意我們嗎？」原來佢係怕咗克勤同伍珂玥嚟搶風頭，汪峰真係坦白得可愛。
汪峰又話個節目成功係有原因：「不怕選手太素人，只要你有本事，觀眾就會喜歡，節目才會這麼火。」所以喺佢眼中正如「初出茅廬」嘅李克勤，最後都可以成為冠軍導師，同時佢都覺得伍珂玥贏得有道理，佢話：「伍珂玥是一如既往地好和穩，是一個人歌合一的優秀選手！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
