無綫節目《童你一起長大了》由資深兒童節目主持譚玉瑛、黎芷珊等擔任主持，昨日（10日）播出一集以「童路同行」為主題，盤點歷年兒童節目經典角色，其中飾演「麥偵探」的麥長青（麥包）以及「四眼鼠」的張沅薇現身話當年。
張沅薇與黎芷珊、朱茵及姚安娜當年均曾為「麥偵探」擔任秘書，麥包逐個點評：「第一代芷珊係靚嘅，朱茵就精靈嘅。不過芷珊係鍾意扮靚，管家婆類型。張沅薇就純粹靚，不過冇腦！」
談到當年朱茵的美貌，令《閃電傳真機》台前幕後為之驚艷時，麥包卻說：「係咩？唔好意思呀，阿茵，我唔會用『靚』形容，只會用活潑開朗精靈聰明形容。同朱茵拍嘢時，佢轉數好快、度嘢好快，亦都畀到嘢出嚟。」
而以拍片形式「敍舊」的朱茵，則大讚麥包是暖男大哥哥：「我唔開心，佢會問我點解唔開心：『唔好咁啦，請你食嘢，唔好自己一個』，所以覺得佢好親切，我覺得麥包係我最friend嘅一個主持。」節目還曝光了朱茵的可愛童年Look。
另一位「麥秘書」芷珊，則大爆當年經常與麥包「拍到嗌交」，麥包說：「好記得有一次芷珊企喺度，我坐喺度，大家拗緊個劇本，佢問我：『係咪我唔照你意思做，你就唔拍？』我就話係。」芷珊笑言後來因「趕收工」被迫「屈服」，又指麥包「好鍾意改劇本」，她說：「佢要改埋你嗰個跟埋佢，但佢改咗真係好嘅。」
麥包又自爆當年的「麥偵探」All Back造型，是跟足電影經典角色「賭神」：「我當年塑造角色時，見到『麥偵探』永遠都啱晒嘅，我就環顧當時電影，只有一套都係永遠個主角啱晒嘅，就係《賭神》。所以我就用賭神造型，一除帽就All Back。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
