TVB節目巡禮｜湯洛雯跣親受傷被笑家暴 馬國明:扶住佢好似有咗咁
馬國明與湯洛雯分別代表《隱形戰隊》及《OPM》亮相《TVB節目巡禮2022》紅地氈，二人大方雙雙受訪。靚湯以新髮型及花裙上陣，問馬明會否覺得她瘦了及靚了？馬明笑言健康便靚，瘦不一定靚，最重要是無病無痛。靚湯自爆日前跣落樓梯受傷擦損，被身邊人取笑是否遭家暴，媽咪更著馬明要「睇住她」。馬明被女友指拍打戲受傷周身損，他指打鬥戲是難免但都是小傷，不似女友是「慣性拗柴」。問是否互相捽藥酒？靚湯笑言未到此地步，但會幫男友按膊頭穴位，馬明則笑言：「我可以做是扶住她，令她好似老人家、好似有咗！」靚湯笑指他亂講等下大家又誤會。
問馬明會否聽伯母話將靚湯娶回家睇住？靚湯笑言未講到娶字，只是多照顧她；馬明指女友都有一個人的時間。靚湯謂換了齊蔭髮型看起來「細個咗」，被馬明取笑襯起她的智商，馬明即笑說：「襯她性格細路女是好事，她有天真心境，我媽咪也一樣是細路女，個性好樂觀，的確會健康些。」問靚湯因此與伯母好傾？她坦言伯母很易相處。問對方視她為新抱？靚湯說要問對方，她則視伯母為尊敬的人、親愛的人的媽咪。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
