譚俊彥（Shaun）今日（29/11）現身荃灣出席無綫節目《男神廚房開業喇！》錄影。提到近日有傳政府為催谷新冠疫苗接種率，有意加推「疫苗護照」新措施，要求市民打針後始可進入食肆及所有表列處所。在戲外身為西餐廳老闆的阿Shaun就表示：「其實我會尊重每一個人佢想唔想打針。好似我哋公司有同事有三高，佢咁情況我點叫佢去打針，而佢都唔好意思每個星期都走去做測試，但我諗我會尊重返佢囉。」
至於今日餐務管理協會主席梁振華接受電台訪問時指業界對政府有關安排感到憂慮：並且表示料生意額將會下跌20%至30%。阿Shaun表示：「其實我哋都係細生意，我冇諗到咁後段，而嗰啲課題我諗係做大機構啲人先會諗到。（是否希望政府多諮詢業界？）相信業界比我哋更有經驗，因為有聯會，佢哋會識得點處理。其實我哋可能有意見，咁所以我覺得要集合晒所有人意見。而我只係一間冰山一角嘅細店舖，咁所以事情發展到點，我都會跟住佢點。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
