藝人海俊傑（海仔）日前49歲生日，正日撞正要出席劇集《十月初五的月光》的宣傳，監製就準備驚喜，為同樣11月生日的他和石修送上蛋糕，全場一起慶祝！對此海仔表示很開心：「今年生日雖然都喺工作中度過，但感覺非常充實，其實平時我都唔會點樣大搞生日，都係同屋企人同三五知己一齊慶生，而之前我朋友就提早一個星期安排同我上船慶祝，公司同事亦準備咗蛋糕同我慶祝，粉絲都送咗一啲好有紀念價值嘅生日禮物畀我，好多謝大家，感受到大家嘅愛，我好感恩！」
講到生日願望，他表示一定是身體健康：「今年踏入49歲嘅我，比以前更注重健康飲食，擁有健康就等於擁有財富，亦希望疫情喺嚟緊呢一年快啲消失，大家可以過返正常生活，我亦希望我有份演嘅劇集喺外地都可以大受歡迎，可以去海外宣傳登台！」而講到劇集角色，他表示飾演「祝展輝」，是何依婷（祝君好）的爸爸，他笑言：「開頭搵我做個有20歲大女嘅爸爸嘅時候，監製問我介唔介意，我就話最好唔好之後監製叫我睇埋個角色先決定啦，聽咗故事細節之後，原來有咁好嘅發揮，所以最後當然應承咗」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
