「樂壇校長」譚詠麟（阿倫）日前捲入桃色風波，雖然佢已經透過經理人公司同唱片公司發聲明譴責造謠者，聲言唔排除訴諸法律。好在事件對佢冇影響，佢有份參加嘅內地綜藝節目《時光音樂會》亦如常播出，全程睇到阿倫談笑風生，鏡頭冇被刪剪，可見呢次風波未有對佢造成任何影響。
雖然係咁，但係爆出桃色風波之後，佢嘅行蹤一直成蹤，今日（28日）有網友聲稱於桃色風波後，於上海一間小籠包店野生捕獲阿倫，睇到阿倫同朋友全程有講有笑，仲好Chill咁吔包，心情好似唔錯，但其實睇番啲相原來係喺11月22日影嘅，而桃色風波係喺11月24日先爆出，所以啲相應該喺桃色風波之前影嘅！
而又有網友亦稱捕獲阿倫同朋友飯敍，當晚食飯有男有女，仲話佢當晚有飲番兩杯，但係食完飯嗰陣都睇唔出佢有醉意，仲好精神咁自己行返酒店喎，但係由於嗰個網友冇講張相幾時影嘅，所以都唔肯定係咪阿倫嘅最近行蹤
本文作轉載及備份之用 來源 source: http://hk.on.cc
|
鍾意就快D Share啦！
|
|
|
