前藝人郭可盈家底豐厚，名下有多個豪宅物業，早前佢與老公林文龍及囡囡為愛犬慶生時，就意外曝光家中飽覽維港海景景色，相當奢華。其實佢除咗喺2005年年豪擲5千萬，一口氣狂掃「一號．銀海」四個1,200多呎海景單位外，早喺2002年佢亦以2千幾萬買入西貢匡湖居4層獨立屋，近日佢哋一家人就去到獨立屋度假，並上載靚相至社交網，令獨立屋環境曝光。
相中見屋內放有超巨型聖誕樹，比起郭可盈仲要高，佢為咗掛上聖誕裝飾，更要出動鋼梯，而聖誕樹旁亦有落地大玻璃窗，見到屋外有大花園及草地，對出就係白沙灣遊艇會，景色宜人。另外，佢早前與同囡囡喺度假屋天台玩水，見天台足足放得落兩個大型充氣泳池，空間闊落。其實該西貢獨立屋係區內知名豪宅，目前已值至4500萬以上，加上「一號．銀海」四個單位，意味住郭可盈手握至少2億物業。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
