近年主力內地發展嘅女星張栢芝，早前預告將返港陪爸爸慶祝生日，但離開前都唔放過直播帶貨機會，繼續通宵開直播，為搵真銀相當落力。日前栢芝經已返到香港，向來有做運動習慣嘅佢，昨日（6日）天未光，清晨3點鐘已經起身準備行山睇日出，佢話：「運動必定要堅持有恒心毅力，除咗最近我肥咗好多之外，其實都好想keep住自己嘅身體一定要健康，為咗自己為咗屋企人這是最佳的禮物，萬事起頭難，但如果習慣咗之後，其實是一個好好嘅禮物給自己和非常享受嘅空間。」
見着上白色小背心嘅栢芝，雖然剛起床，但完全零水腫，裝束簡單，只戴上Cap帽、着上風褸就已經準備好出門行山，連妝都唔使化，素顏上陣嘅佢肌膚白裏透紅，同化妝後零分別！而佢有姿勢之餘亦有實際，行山行足3個鐘頭都唔覺攰，反而同行嘅友人就嗌晒救命，無論外表抑或體能，栢芝都完全唔似已經41歲！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
