近年轉戰內地市場嘅藝人楊千嬅，2019年攜老公丁子高參內地真人騷《妻子的浪漫旅行3》後，二人就長時間留喺內地做嘢，以往千嬅工作完就返港休息，仲可以見到9歲仔仔Torres，不過依家工作量大增，加上受不可抗力影響，有傳千嬅為咗唔使同Torres分隔兩地，早喺今年4月份時佢哋已經全家低調移居上海。
早前千嬅上載同阿仔一齊隔離嘅Vlog，當中就提到感覺好唔一樣，因為可是同Torres好接近咁交流，仲每日24小時互相觀察，彼此更了解對方。而去到7月丁子高42歲生日，佢又上載全家福，並寫道：「有地方可去就是家，有愛的人就是家庭，兩者兼得是一種幸福，我愛你們兩個。」似係透露移居嘅決定。
據知，Torres依家正就讀當地頂級學校，該校師資優良，教育模式新穎，喺全球都有知名度，根據學校收費表顯示，小學一年級到四年級一年學費就係28萬人民幣（約34.28萬港幣）左右，價格高昂。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
