新城勁爆丨欣宜台上仆倒自嘲似反轉烏龜 比喻人生跌完要企番起身
馮允謙和鄭欣宜於《新城勁爆頒獎禮2021》各得兩獎，更分別勇奪「勁爆男、女歌手獎」，二人的師弟ANSONBEAN也獲得「勁爆新人獎」；不過欣宜在表演期間卻不慎跌倒。她自嘲道：「第一次嚮台上仆親，好似一隻反轉咗嘅烏龜！只怪我對腳太短，條裙又太長，自己Kick到條裙跌親；好彩我企返起身，同埋面皮和Natural Padding都夠厚，所以冇整親。但我覺得跌住攞獎都幾襯鄭欣宜，因為大家就係見證住我嘅人生不斷跌跌碰碰撞撞再企返起身，亦一個自我提醒好時間，提醒自己要繼續進步；事關對我而言，觀眾嘅掌聲和歡呼聲較任何獎項更珍貴。」
欣宜跳唱時成個人跌落地下。欣宜話好彩面皮和Natural Padding都夠厚，所以冇整親。笑住企起身，好專業！
首次奪得男歌手獎的馮允謙表示完全沒想過能得此殊榮，特別由數年前一度以為要退出樂壇，全靠一步一步爬起走到現在，更感激公司和團隊的支持與信任，給予他創作的自由空間。在旁的ANSONBEAN亦稱很欣賞馮允謙，想向對方偷師學寫歌；他亦指沒想過得獎這回事，加上正在拍戲，太過投入角色未能抽身，人有點模糊，被叫上台時還以為安排一眾新人上台傾偈，看到身邊歌手逐一領獎才知自己有獎，但以防萬一也有在左手上寫下感言「貓紙」。
欣宜唔小心仆倒，就似大家見證住佢嘅人生不斷跌跌碰碰再企返起身。ANSONBEAN同Lokman均奪新人獎。馮允謙（左三）曾想過退出樂壇。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
