藝人張致恒（Steven）於本月27日被離婚，雯雯於社交網晒日落相寫道：「分開不代表完結，只是讓大家過得更好的。今天我們正式離婚了，我也真心祝福你能夠幸福。」而Steven未有開腔就「被離婚」一事回應。事隔3日，Steven似乎已經箍煲成功，仲話同雯雯溝通過後，決定繼續行前面嘅路，兩人嘅愛情果然愛得轟烈！Steven仲向老婆大講I love you！
Steven上載全家福於社交網寫道，「人嘅一生中總會犯唔同嘅錯，感情事、工作事、家庭事、友情事，但係最重要係犯錯過後點樣去反省改過繼續行前面嘅路，多謝老婆係呢兩年幾嘅日子包容我犯嘅錯，經過呢幾日同老婆嘅溝通，我哋決定繼續一齊行前面嘅路，兩夫妻有好多嘢要學習，仲有好長好長嘅路要大家一齊學習，好好咁樣愛下去！ I love u區燕雯。」不過雯雯就冇更新社交網，未知佢原唔原諒Steven喇！
之後，張致恒又再更新該發文，加上「一家五口好好咁樣愛下去」嘅字眼，疑暗示老婆懷有第三胎。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
