內地影帝黃曉明同Angelababy（楊穎）今日（28日）正式宣布離婚，結束未夠7年嘅婚姻！其實佢哋行到離婚呢步係經過深思熟慮，並早已過咗2年分居生活，喺財產分配同撫養權等方面都一早傾掂晒數！唔少網民對於佢哋離婚都唔太震驚，仲翻Loop黃曉明以前嘅一啲訪問，解構出佢哋離婚嘅原因！
其中一段訪問係喺佢哋之前婚變傳聞鬧得熱哄哄嘅時候，被網民掘出嚟嘅，黃曉明當時喺訪問中承認同Baby結婚嘅原因，係因為佢媽媽好鍾意Baby，所以佢先會娶對方，佢話：「自己娶Baby，除了是因為她的美貌外，更重要的還是因為我媽媽非常喜歡她，最終我才決定娶她的，但其實這個決定並非發自我的內心。」當時佢呢番話一出，即惹嚟唔少網民批評，認為佢並唔尊重Baby，仲話佢有心推卸責任，到咗今日佢哋正式宣布離婚，當年呢段訪問即時再次引起網民熱烈討論。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
