天王郭富城（城城）老婆方媛向來活躍於社交網，緊貼潮流嘅佢呢日拍片潮玩「扮貓樣挑戰」，見方媛跟隨濾鏡特效抽出嘅貓樣，扮演相應表情，不過佢似乎放唔低「天王嫂」包袱，無論抽到咩樣，佢都Keep住Chok樣唔變。本來一條自拍片看似冇咩特別，但原來城城一直坐喺隔離，雖然未有入鏡同老婆玩埋一份，但單從其10分1都冇嘅側面，已感受到其王者Chok風，認真有型。
而方媛呢條短片，亦令城城嘅豪宅意外曝光，只見室內以米白色布置為主色，淺灰色嘅超長梳化配搭奶茶色的咕𠱸，走簡約風的路線，加上木色的地板，畀到人一種溫暖嘅感覺。目測城城巨廳至少可以容納50人，而天花上裝置了勁多射燈，牆上也設有一個大音箱，應該係一家人平時睇電視或唱歌嘅設備。
另外，「星女郎」林允都有玩「扮貓樣挑戰」，見佢神模仿「懶瞓貓」，雙眼變成矇豬眼，相當搞笑。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
