歌手林欣彤（Mag）月初透露愛犬兜兜離世，當時佢發長文表達不捨，指兜兜係佢第1隻養嘅狗狗，過往10多年來為佢帶來無數歡樂，於其人生佔好重要嘅位置。昨日（23日）兜兜進行火化儀式，Mag於社交網上載見愛犬最後一面嘅照片，又分享近日心情，坦言最近情緒低落但也努力強顏歡笑：「這陣子我偶爾會淚崩，心像穿了一個洞，不過我也很努力地繼續追趕著正常的生活步伐，努力地笑，努力地學逗大家笑，努力地埋頭苦幹。『有時頂到頂唔順就狠狠地爆喊一陣』，這是我最近的方案，All I wanna say is，疏導情緒是必須的。」
佢要向愛犬作最後道別：「兜，好愛好愛好愛好愛你，好多謝你帶畀我哋嘅一切。如果你投胎再做狗狗，再嚟搵我哋呀，投咩都好，希望你投個靚胎啦，或者一直留喺天堂，開心自由。推進火化爐時，我不想看，媽媽勇敢地按下了按鈕，那刻我逼自己行近了幾步，隔著玻璃看著火爐，遠遠地面對著那具只剩下白色皮毛的軀體，終於說出了，再見啦 細細佬，兜。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
