《職業特工隊》由於情節及人物眾多關係，開拍時已決定分開兩部拍攝，此舉原本可以節省製作成本，奈何開拍不久便遇上疫情，邊拍邊停邊調景，變相令成本大增。現時已完成的第7集，有歐美媒體估計相信已花了2億9000萬美元（約23億港幣），跟《007 生死有時》的3億美元差不多。然而《007生死有時》全球票房錄得7億7000萬美元（約60億港幣），但扣除宣傳及戲院拆帳，好大機會都要蝕錢收場。
正因為007呢條數，令電影公司派拉蒙響起警號，而且第6集上畫時沒有疫情才可以大收8億美金，今時今日又是另一景況，於是電影公司高層要求與湯告魯斯展開危機處理對話，希望調整第8集的製作成本，以確保不再有超支情況。
其實湯告魯斯跟派拉蒙一直有良好合作關係，3年前更花近1億5000萬美元（約11.6億港幣），拍下《壯志凌雲》（Top Gun）續集，電影一直想待疫情緩和先上畫，可惜在美國每日過萬宗確診個案下，上畫似乎遙遙無期。在現金流不順下，想閂水喉都無可厚非。不過據報湯告魯斯又已經飛抵南非全面為《職業特工隊8》開工，想慳都唔係咁易。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
