李龍基激罕孖嫩妻拍賀年特輯 Chris畫功靚到似影印
李龍基和太太Chris Wong，日前與香港開電視主播馬梓軒一同拍攝賀年特輯。向來畫功了得的Chris，更盡展才華畫老虎賀虎年，而基哥更為太太這幅畫作命名為「老虎發威 妙筆生輝」。Chris除了擅長畫動物，畫人像亦相當出色，不過基哥坦言，曾經質疑太太的畫功：「事緣有個朋友幫我畫咗一幅大油畫，但都係覺得有啲強差人意，於是Chris提議幫我畫一幅，但因為當時我未見識過佢嘅畫功，所以唔相信佢！後來有一日我放工返嚟，太太拎住幅畫問我靚唔靚，我話你影印嘅！後來知道真係佢畫，先發現佢咁有藝術天份！」
談及農曆新年有何節目，基哥笑言：「就係拍拍拍拍同埋拍！唔係拍烏蠅啊，係拍戲呀哈哈！(咁咪剩低Chris一個？) 唔係㗎，佢好多時跟住我，幫我手整理妝容，都好忙㗎！」
李龍基新年都要拍戲，太太就做跟得夫人，幫基哥整理妝容。李龍基和太太Chris，與香港開電視主播馬梓軒一同拍攝賀年特輯。
過年基哥除了忙於工作，亦不忘品嚐賀年美食，他表示：「我最鍾意食蘿蔔糕！記得細個嗰陣我爸爸揸運菜車，好多時會拎啲蘿蔔返屋企，雖然成日食，但我食極都唔厭！同埋好多人誤會食蘿蔔會破氣，但大家見我有冇破氣？冇啊，我食好多㗎！」
現年70歲的李龍基與現任太太Chris年齡相差28歲，二人在1998年結婚，一直非常恩愛。李龍基好錫太太，有指他為遷就太太一度移居深圳居住，至近兩年才搬回香港生活，並將多年來於中港所買入的多個物業全數歸於太太名下。Chris與基哥年齡相差28年，但婚後一直恩愛。Chris畫老虎栩栩如生。貓都好靚。李龍基同石修嘅畫像。
即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
