藝人蕭正楠早排畀太太黃翠如大爆佢喺屋企收埋好多玩具之後，今次又有新搞作，佢之前喺社交網上載咗短片，攞住支結他自彈自唱鄭伊健經典歌《甘心替代你》，又標籤 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
藝人蕭正楠早排畀太太黃翠如大爆佢喺屋企收埋好多玩具之後，今次又有新搞作，佢之前喺社交網上載咗短片，攞住支結他自彈自唱鄭伊健經典歌《甘心替代你》，又標籤住「夠鐘食藥」，當時好多網民都讚佢唱得好，太太黃翠如亦有留言問佢「第二個1分鐘呢？」，事隔一日原來有下集，阿蕭喺社交網公開第二條片段，片中佢唱埋《甘心替代你》最尾嗰兩句，之後就講：「人哋話10年磨一把刀，我就10日練一首歌，吹咩！」跟住就發傻大笑咁喺度亂彈，翠如就大頭入埋鏡，之後問老公：「咩事呀？有冇乜嘢幫到你吖？」，阿蕭就答佢：「冇嘢呀，夠鐘食藥」然後兩口子又喺度大笑，網民都畀佢兩公婆引到哈哈大笑，有網民就留言：「終於知點解你要食藥」、「係你要食藥，定蕭太要食？」、「兩個都去食藥」亦有網民留言：「將來我都要搵一個好似蕭太咁樣嘅老婆」其實想開心真係可以好簡單㗎。
