影后袁詠儀（靚靚）曾經同無數靚仔、型男合作拍戲，佢喺內地一個節目，被嘉賓井柏然問到有關偶像劉青雲嘅問題時，佢竟然公開咗青雲鮮為人知嘅秘密。曾經同青雲合拍過《新不了情》、《廉政風雲煙幕》嘅靚靚，當被井柏然問到有冇青雲嘅聯絡方法時，佢就好直接咁話：「劉青雲？沒有！我跟他雖然拍過很多戲，但真的跟他不熟。」井柏然再試探：「他是不是跟誰都不熟啊？」靚靚又好率直咁話：「沒有，跟他老婆應該很熟了。」搞到現場笑聲四起。
靚靚為咗要井柏然相信佢，佢再講：「實際上見面只會說3句话，就是『 早安』、『吃飯了嗎』、『再見』，就沒有了。」聽見井柏然讚劉青雲係個令人好易投入角色嘅好前輩，不過覺得青雲喜歡獨來痼往，靚靚就覺得係好自然嘅事，仲話：「他們老一輩的演員就是這樣子，張國榮也是，譬如說六點妝，你就看見他一個人坐着化妝，是自己駕車來的，沒有人陪。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
