歌手謝安琪（Kay）今日（13日）45歲生日，以往佢生日曾被老公張繼聰「借過橋」，借送生日禮為名實質上買嘢益自己，至早前佢仍耿耿於懷出Po暗寸，不過今次生日，老公就有心思得多，見Kay曾大呻疫情期間冇得做Gym，張繼聰竟然送上一大座健身儀器，仲親自充當其健身教練，非常有誠意，一招就冧掂老婆，Kay表示：「我今年收到一份好重分量嘅生日禮物，再次令我思考人生，同埋喚醒我蠢蠢欲動嘅肌肉，好多謝呢個人，除咗成為我人生教練，仲客串做埋我健身教練，跑步嘅時候仲以迷戀嘅視覺，幫我影相拍片，每日剪埋好多搞笑片氹我開心，令到本來鬱悶嘅日子，增添好多好多意思。我會好好運用呢份生日禮物，希望好快會變成，健美又招積嘅安琪小子。」佢又祝願世界和平，並指雖然冇辦法同親朋好友慶生，但仍感激大家嘅祝福，同時多謝粉絲將買禮物嘅錢作為捐款轉贈有需要嘅人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
