英皇歌手洪卓立（Ken）被爆暗撻「ViuTV 女神」Hillary（劉沛蘅），更被東網拍得二人疑似同居，今日（30日）Ken大方承認戀情，他上載家中3隻狗仔排排坐的溫馨照，寫道：「多謝大家關心。佢係我見過最善良最有愛心嘅女仔，我哋每一日都好開心。」眼利網友就發現相中狗仔，似乎就同當初Ken錯手上載嘅「男友視角」Hillary抱狗靚相入面隻狗仔好似樣，即被指係借「定情愛犬」見證愛情。
對於有指女友放下富家女生活，甘於蝸居他的寓所，他說：「其實呢個單位買咗好幾年，我哋亦都係財政獨立，我好開心看到她的發展，而我自己一直都有工作在身，識我嘅朋友都知我從來都靠自己。當然我會努力，令她成為『貪慕虛榮』的人🙂」明冧女友，講到明會賺錢養起女友！
洪卓立認愛，Hillary回覆東網表示：「多謝大家關心！我哋每一日都好開心！我覺得任何關係都唔應該建基於金錢上，最重要係用心去交流、溝通，而搵到一個能夠互相支持大家嘅人係好難得。我真係唔係一個富家女，一直都要努力工作，希望大家畀番少少空間我哋！」及後Hillary就於社交網晒出攬「定情愛犬」嘅靚相，並冧爆回應男友：「相親相愛互相扶持，你的好，我知道便夠了，我們開心就好。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
