1. 主線劇情吊觀眾癮太耐
大部分睇《金宵2》的觀眾都是《金宵1》的擁躉，自然希望睇到更多李施嬅、陳山聰的戲份，以及與《金宵1》的關係。然而頭兩個禮拜，李施嬅和陳山聰鏡頭極少，有觀眾抱怨：「唔知出場時間有冇五分鐘」。另外《金宵2》與《金宵1》關聯不大，舊擁躉便慢慢流失。雖然到第三周逐漸進入主線劇情，惟觀眾已被吊癮太耐，惹來熄機潮。
2. 單元故仔少悶
《金宵2》至今播出8個單元故事，有部分都頗不錯，尤其《雙魚》伍詠薇發癲演技惹起一時熱話，《姐姐》黃婉華捲入種族歧視爭議為單元故事添話題。然而《城寨英雄GO！》、《對倒》、《仿客》等獲觀眾批評有少悶。另外，各個單元的懸念也不大，觀眾耐性被消磨殆盡，便隨時棄劇。
3. 不合TVB觀眾口味
《金宵1》收視不如理想最大原因可說是不合TVB觀眾口味。縱觀過去TVB電視劇，TVB觀眾偏愛有濃重家庭、愛情元素的故事。《金宵2》反其道而行，主打燒腦和恐怖，情感元素不多。但實際上，《金宵2》組織比《金宵1》更嚴密，製作組投放更多心思在設定和鋪排上，值得一讚。不過始終受觀眾口味所限，若是Netflix神劇《闇》（Dark）擺在TVB播放，相信收視比《金宵2》更為慘絕人寰，所以這也不是製作組問題。另外《金宵2》風格太恐怖也是TVB觀眾棄劇原因之一。
編審羅佩清接受《香港01》訪問，談到收視下跌，她說：「今次設定上係要花點精神睇，上次我亦到投訴主線成日冇推進，只係談情。《金宵》對我個人嚟講就係要試吓新嘢，唔太想重複上一季。TVB一年咁多劇，間唔中一兩套另類少少，應該可以嘅。」她續指製作進步令恐怖感更迫真，惹起觀眾不安或也是收視下跌原因之一。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
