頭條獨家丨85歲余慕蓮搞亂新舊曆生日 大病後看淡生死：最好瞓瞓吓去咗
余慕蓮（魚毛姐）前年底驗出患罕有病症血液炎，經診斷後證實為肺纖維化，需入ICU插喉、打強心針以及用呼吸機幫助呼吸，情況一度危殆，幸好吉人天相，經半年治療後終可出院回家休養。
「大姐明」林建明昨日（26日）在Facebook上載與魚毛姐的合照，表示正為她慶祝85歲生日，寫道：「余慕蓮小姐的身份證明文件上的出生日期是今天5月26日，約會在她家樓下的茶記吃個生日午餐，之後魚毛就去打麻雀！衷心祝福 余小姐 身體健康！生活愉快！」圈中人鍾慧冰、彭家麗、寶珮如等都有留言祝賀。
魚毛姐康復情況理想，相中見她雙頰飽滿，精神奕奕，還與大姐明扮錫錫，十分精靈。不過，翻看維基百科，魚毛姐的生日日期應該是在7月4日，為何身份證會擺了這個「大烏龍」？《頭條娛樂》今日致電魚毛姐了解，她說：「我喺1937年喺廣州出世，嗰時日本仔打到嚟，嚟到香港攞身份證，咁我舊曆係5月26日，我哋唔會識分咩新曆舊曆，係後來人哋幫我查萬年曆，咪搵番新曆係7月4日囉。」她透露連薛家燕都有致電送上祝福，令她喜出望外。
百無禁忌：希望瞓瞓吓去咗
問到生日願望，她想了一會語帶點感慨謂：「無諗，我都死過翻生，依家賺咗係希望死時唔使好似（當年）做手術咁，要臥牀半年，無嘢食、背脊、籮柚又爛晒，希望瞓瞓吓去咗。生唔生日有乜所謂，最重要行得食得屙得！」
魚毛姐頭腦清晰，但訪問期間不時有幾聲咳嗽，她透露是血液炎的後遺症，沒有根治的方法，她說：「一咳就眼淚、鼻水一齊流出嚟。我依家每半年仲要食一次標靶藥，大約三萬幾蚊一次。（經濟可以負擔？）之前有人作嘢，話我捐晒啲錢出去，又冇屋住，都唔係真。我行得唔係咁好，唔可以一個人落街，早上都由工人陪我用架（輔助行架）落街行吓。」
而另一樣後遺症是無記性，幸魚毛姐有好多好朋友，間中會相約老友記一齊打麻雀過日辰；今個星期又會為鄧達智慶祝生日，生活過得好充實。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
.jpg)
|
鍾意就快D Share啦！
|
|
|
