藝人甄采浠（前名甄詠珊）、蘇家欣、葉芷如與李妍在今日（15日）出席捐血活動。已改名多月的甄采浠，笑稱因很喜歡自己的新名字，所以在現場不斷提醒大家，她説：「一直好鍾意『浠』字，本來想改甄浠，因為國語發音似廣東話『珍惜』，不過術數師傅話要用3個字，所以改成甄采浠。」
她指以往情緒起伏大，改名後變得平和，朋友亦開始習慣叫她「浠浠」。她又透露將會拍攝新劇及灌錄新歌：「新歌主要係講愛情，因為之前都係講正能量，想試吓做慘情啲嘅情歌。（現實生活嘅愛情呢？）等緊大家介紹，哈哈，其實一直都有人追。」
談到擇偶條件，她指長大了覺得只要好好好溝通便足夠：「因為溝通得好其他條件都唔係重要。（以前脾氣大溝通唔到？）女仔唔多唔少都會有啲脾氣，但唔係同以前男朋友分手嘅原因，真係溝通有問題，有啲嘢大家唔傾就會產生好多誤會。」她表示想找一位如她的經理人一樣，懂她想要甚麼、可以一起過日子的人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
