張兆輝獲子女率影迷包場送上驚喜 大派心心甜到漏
「24孝爸爸」張兆輝為咗搵食經常外出，啱啱過咗嘅父親節便身在橫店開工，雖未能同仔女相聚，但仍然溫馨滿載。
輝哥在橫店開工，透過電話視像同香港影迷打招呼。
影迷手持印有輝哥在戲中造型手幅，隔空力撐。
輝哥子女Edison及Twiggy到戲院用行動支持爸爸。
輝哥主演嘅新片《被消失的凶案》已在港上映，由於輝哥未能返港睇戲，睇戲責任交在一對子女Edison及Twiggy手上。早前趁住父親節前夕，一對子女送給「絕世好爸」一份驚喜嘅父親節禮物，日前他們率影迷會成員秘密包場睇戲，每位影迷手持印有輝哥在戲中造型手幅，隔空力撐。完場後輝哥透過電話與現場觀眾視像，大派心心，輝哥冧爆影迷說：「多謝！多謝晒大家支持！」影迷則高舉手幅吶喊：「輝哥好好戲！輝哥支持你！」對於影迷熱情的支持，輝哥驚喜道：「好多謝佢哋，希望佢哋睇完呢套《被消失的凶案》，再睇埋《一樣的天空》，我會繼續拍多啲好戲答謝大家⋯⋯」
輝哥子女好孝順。
輝哥相當愛家，係「24孝爸爸」。
輝哥蒙在鼓裡
原來事前輝哥唔知道寶貝仔女有呢個秘密行動，當晚張太叫他視像個女，才收到呢份驚喜，他說：「當時我真係突然，我都唔知同觀眾講咩好，所以我只好不停同大家講『多謝、多謝支持！』」另外，今個父親節張太在微博大讚輝哥，留言，「絕世好爸（張兆輝）父親節快樂，由孩子出世，換片，沖涼，餵奶，接返學放學，孩子的自動櫃員機，你為孩子做齊了爸爸媽媽應該做的工作，辛苦了。」
張太在父親節當天，大讚輝哥係「絕世好爸」。
輝哥喺電影《被消失的凶案》演老差骨。
在另一新片《一樣的天空》中，張兆輝與胡鴻鈞飾演父子。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
