隨着肚中的BB日漸成長以及動作愈來愈大，Linda開心表示很期待與BB見面：「有緣份再去擁有一個小孩子，唔係個個都有呢個機會。上天相信我同一家人嘅能力，係suitable有多一個小朋友加入我哋嘅家庭。」
她亦好奇BB的性別，並列出坊間所講佗仔及佗女不同的徵狀，讓大家一同競猜今胎的性別：「佗仔呢，佗得低，手腳係好纖瘦，淨係個肚突出嚟就可能係仔。如果你另外一半冇增磅、皮膚好靚冇暗瘡，好透好glowing就係仔…如果佗女會嘔得好犀利、荷爾蒙高高低低情緒化到不得了，而家我幾穩定每日都幾開心，如果佗得高係女，我覺得我佗得幾低。佗女會鍾意食啲好甜嘅嘢，我又冇。」
Linda隨即大玩擲銀仔看看是男生還是女生，最終連擲兩次代表男生的「字」：「佢（指着天）估緊我佗仔。」網民亦指Linda肚尖尖似佗仔，不過作為媽媽的她表示：「仔或女都好，最緊要都係健健康康。」
點撃睇Linda身形：
本文作轉載及備份之用 來源 source: http://www.hk01.com
|
鍾意就快D Share啦！
|
|
|
