藝人余香凝下午（13日）現身尖沙咀為新戲《心裏美》謝票，她透露將會全家總動員睇首映，她說：「今次老爺奶奶媽咪細妹全部都會到，我覺得都好適合因為係一套合家歡嘅戲。」電影中他與吳岱融飾演父女，經常發生爭拗，最終冰釋前嫌，她又大讚對手王浩信專業：「第一次同佢合作，佢係一個好好嘅演員，好用心做足功課，仲記得喺銅鑼灣有一場情緒戲，當時做到好迷失，覺得自己做得唔好，佢好似老師咁喺身邊用聲帶返住我。」
她自爆該場戲差點出意外，幸得對方出手相救：「嗰場戲講我衝出馬路，我又真係入咗戲冇留意就踏出去，咁啱有架車衝緊嚟響安，好彩浩信一手拉返我返入嚟。（點樣答謝佢？）佢依家唔喺香港，我幫佢做晒啲宣傳。」談到暑假將有多套電影上影，其中《七人樂隊》中有裸露上半身的大膽性感演出，她指已是自己的最底線：「大家將重點放返係藝術度，會同老公一齊去睇。」他指丈夫雖然不是行內人，但一直也很支持及尊重她的工作，將來女兒長大也會和她一起回看自己的作品。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
