2022年8月10日星期三

獨家丨65歲張國強擁有一張不老臉介意被指有外國人血統：爸爸會好嬲 #張國強

獨家丨65歲張國強擁有一張不老臉介意被指有外國人血統：爸爸會好嬲

現年65歲、已經擁有長者樂悠咭的張國強（KK）從事演藝事業接近半個世紀，日前翁靜晶在社交網翻出與已故歌手陳百強的舊照，同時也在留言區上載一張1977年與KK合作拍攝的電視劇《年青人》劇照，KK的樣貌和身形幾乎與現在一模一樣，翁靜晶驚嘆KK沒有變過，似足吸血王子：「45年前，我12歲。張國強一啲都冇變，懷疑他是Count Dracula（德古拉）!再過一百年，張國強相信也是同一個年青樣子！科幻！」

在1977年的劇集《年青人》中，KK同余安安飾演情侶。



劇中翁靜晶飾演KK妹妹，翁靜晶形容KK好似德古拉，過一百年後都係咁樣。



翁靜晶與已故歌手陳百強。



現年65歲的張國強，樣貎同身形都Keep得好fit。



KK 曾經係職業足球員，擁有強勁嘅運動細胞。



張國強與汪明荃《回歸》嘅演出。

KK接受《星島頭條》訪問時，直言自小都被人讚靚仔，並得到媽媽的遺傳，「其實我冇乜特別保養，感恩我媽媽，佢皮膚不嬲都好好，而我煙酒又冇，加上有啲運動，畀人感覺keep得好。」問到有沒有做Facial保養皮膚？他笑說：「有就更麻煩，皺紋膏化妝更加要多啲。」其實KK每次演老人家角色都要「重手啲」，除染白髮外，還要在面上加多幾條皺紋。KK直言曾被誤會有外國人血統，他笑說：「有人咁講，但我想我爸爸😂😂會好嬲，如果話隔代遺傳，那我爺爺更嬲。」