無綫花旦湯洛雯與馬國明愛得低調，鮮有放閃，多次被問及婚事時都婉轉唔講，反而早幾日就佢哋就晒出背光心心相，搞到大家以為佢哋好事近，有好消息宣布，不過都係大家諗多咗。反而尋日好友陳敏之晒出搵馬國明做個人Channel嘉賓嘅新片，入面就大講馬國明對婚姻生活嘅向往，連湯洛雯會做大頭蝦媽咪，仲會湊住一對活潑嘅小朋友添！
片中佢被陳敏之問道同湯洛雯嘅相處時，馬國明爆料女友大頭蝦、多甩漏，仲已經擔心定對方將來大肚，好驚佢會成日失足跌倒：「佢好大頭蝦，佢成日唔見啲文件，我反而好整齊，啲好緊要嘅信我會收埋。我成日都話佢，如果第時我哋有咗仔女，嗰啲考試證明書你全部都唔見晒咗，出世紙都可以唔見。我都好擔心佢，佢有時行行吓街都跌親，我哋都會研究呢啲問題，如果佢第日大咗肚，如果有呢個機會…（驚佢仆親？）係呀，都唔知點算好。」馬國明仲講到明係去外國行禮，最好就係海邊加陽光與海灘，成個結婚Plan都出晒嚟，睇嚟佢哋都傾好晒喇喎！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
