無綫花旦湯洛雯與馬國明愛得低調，鮮有放閃，多次被問及婚事時都婉轉唔講，反而早幾日就佢哋就晒出背光心心相，搞到大家以為佢哋好事近，有好消息宣布，不過都係 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
無綫花旦湯洛雯與馬國明愛得低調，鮮有放閃，多次被問及婚事時都婉轉唔講，反而早幾日就佢哋就晒出背光心心相，搞到大家以為佢哋好事近，有好消息宣布，不過都係大家諗多咗。反而尋日好友陳敏之晒出搵馬國明做個人Channel嘉賓嘅新片，入面就大講馬國明對婚姻生活嘅向往，連湯洛雯會做大頭蝦媽咪，仲會湊住一對活潑嘅小朋友添！
片中佢被陳敏之問道同湯洛雯嘅相處時，馬國明爆料女友大頭蝦、多甩漏，仲已經擔心定對方將來大肚，好驚佢會成日失足跌倒：「佢好大頭蝦，佢成日唔見啲文件，我反而好整齊，啲好緊要嘅信我會收埋。我成日都話佢，如果第時我哋有咗仔女，嗰啲考試證明書你全部都唔見晒咗，出世紙都可以唔見。我都好擔心佢，佢有時行行吓街都跌親，我哋都會研究呢啲問題，如果佢第日大咗肚，如果有呢個機會…（驚佢仆親？）係呀，都唔知點算好。」馬國明仲講到明係去外國行禮，最好就係海邊加陽光與海灘，成個結婚Plan都出晒嚟，睇嚟佢哋都傾好晒喇喎！
