藝人張秀文今日（1日）為無綫全新綜藝節目《答得快好世界》進行拜神儀式及錄影，擔任主持的她透露該節目是她自去年12月結婚後首個工作，她形容是久休復出，她 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
藝人張秀文今日（1日）為無綫全新綜藝節目《答得快 好世界》進行拜神儀式及錄影，擔任主持的她透露該節目是她自去年12月結婚後首個工作，她形容是久休復出，她說：「我休息咗大半年左右，期間忙住做人妻，原來打理屋企都好忙。（負責老公一日三餐？）我每次想下廚，佢都會話唔好喇，好大油煙，唔知係錫住我定係驚咗我，其實我係識煮㗎，但可能佢對我冇信心，有時間嘅話我要去考藍帶，令佢刮目相看。」她笑言怕奶奶見到報道以為她對老公照顧不周，她再三強調自己有好好照顧老公起居生活：「佢有得飲水又有得瞓覺，我仲有較水畀佢浸浴。（一齊浸？）唔得，個浴缸唔夠大。」
講到生兒育女，她自認已準備好，直言自己比老公更Ready：「老公仲係好大細路，我就有照顧開狗狗，我好有責任感，老公對我都好有責任感，但對小朋友就要放長雙眼。（係有打算生小朋友？）想盡快，但又唔會好心急，順其自然，係緣分，冇得逼。（有冇跟師傅指示按方位及時辰去造人？）跟唔到，我同老公講要凌晨3點至5點，但佢太早瞓起唔到身，夾硬要佢起身好折磨，我唔忍心叫醒佢，如果有一日佢凌晨3至4點突然好清醒咁即係時機到囉！」
