在香港長大的西班牙混血男模古天祥，一九年加盟邵氏後，便不時現身電視屏幕，在熱播的無綫劇集《白色強人II》中，他就飾演世界衞生組織的秘書長，爭取開放藥物市場，拯救人類。
外形高大cool爆的古天祥，百分百是鐵漢柔情，自小已對動物愛心爆棚，除了參與做毛孩義工之外，剛剛又領養兩隻一歲多的垂耳兔回家，當中一隻右腳更有缺憾，他都沒有嫌棄。此外，他以身作則教仔愛護動物，同時增添家庭凝聚力，難怪他大讚領養寵物好處多。
古天祥特別鍾意兔仔，一家三口近日領養了兩隻垂耳兔，他事隔廿年再養兔仔，十分興奮。
灰白色毛茸茸的Fluffy，右腳膝頭韌帶斷裂，雖然行動不便，但卻相當活躍。
全身灰黑色的Chole，今年一歲多，個性較文靜。
三手主人
古天祥前年成家立室，跟太太Cat育有一名兩歲多的兒子古家誠（Ricardo），一家三口近月又多添了兩名新家庭成員，牠們便是一歲多的垂耳兔，黑灰色的叫Chloe，灰白色的叫Fluffy。
自小喜歡動物的古天祥，因兔仔得意可愛，故特別鍾愛，早於大學時期已養過。「嗰時養咗兩隻大白兔，都係領養嘅，佢哋好馴良，好老友。可惜，有隻因病死咗，我嗰時好傷心；而另一隻就鬱鬱不歡，於是我用錢買咗隻灰兔陪佢，但佢哋唔夾。後來我要做嘢，冇時間打理，就冇養送咗畀人。」事隔廿年，他終跟兔仔再續情緣。
事緣，古天祥夫妻每次帶囝囝Ricardo，到有寵物的朋友家中，他不但不驚，更會主動親近貓狗。兩公婆於是到愛護動物協會申請領養，可是配對不成；其後，Cat在網上寵物平台看見有人為兔仔尋找主人，古天祥一見兔仔相已「心心眼」，火速跟對方聯絡，即日便將牠們接回家。Cat說︰「我哋係第三手主人，原先主人移民，交咗畀朋友照顧，但朋友家嘅狗同兔仔不相融，佢都無奈，佢見我哋咁鍾意兔仔都好放心。」
由於Ricardo表現熱情肉緊，故媽咪Cat會陪同他一起跟兔仔玩。
本文作轉載及備份之用 來源 source: http://eastweek.my-magazine.me
|
鍾意就快D Share啦！
|
|
|
