內地女星林允早前憑劇集《夢華錄》再度獲得關注，劇中飾演琵琶高手嘅佢，舉手投足都充滿古典味道，不過就一度被質疑假彈，當時佢就親自回應，指自己的確有苦練琵 ...
內地女星林允早前憑劇集《夢華錄》再度獲得關注，劇中飾演琵琶高手嘅佢，舉手投足都充滿古典味道，不過就一度被質疑假彈，當時佢就親自回應，指自己的確有苦練琵琶，只係劇組安排嘅道具琵琶唔能夠真實彈奏，所以現場拍攝時先要跟住音樂扮彈，但演繹時都盡力還原，靠演技搭夠。雖然一度捲入假彈風波捱罵，但林允似乎冇因為咁打沉對琵琶嘅喜愛，呢日佢喺社交網晒出新片，見佢再度着上古裝，去到田園擺拍影靚相，佢先喺花田內慢跑兼翩翩起舞，之後更重拾琵琶，做出彈奏動作，於夕陽下散發仙氣，獲得網民大讚「琵琶美女」！
