歌神陳奕迅（Eason）早前被爆有意開15場紅館跨年騷，依家再有消息指佢違9年再踏紅館舞台，落實於12月舉行18場跨年演唱會。據知今次演唱會《Fear and Dreams》構思同2019年紅館騷一樣，並加入新元素。有鑑早前發生嘅MIRROR演唱會事故，主辦方指演唱會舞台機關仲研究緊，但一切以安全為首要條件。而今次演唱會飛將於10月初公開發售，價錢同2019年演唱會一樣、唔加價，門票售價$980、$680及$480，更有指為咗令更多樂迷買到門票，門票都會喺城市售票網開售。
另外，Eason亦亮相內地的聯盟嘉年華，作全球首唱騷演繹《孤勇者》，這首歌是英雄聯盟電競遊戲動畫劇集主題曲，曾唱到街知巷聞，成為內地好多小學生都識唱的「兒歌」，曾經在網上流傳成班小學生喺班房全場大合唱這歌，相當驚人，雖然有無數人翻唱或演唱過這歌，唯獨Eason未曾公開演出這首歌，今次全球首唱，讓歌迷引頸以待，直播完後迅速成為內地社交平台及各網上直播平台熱搜冠軍，很多歌迷留言：「只有陳奕迅唱Live能打敗自己嘅原唱版本。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
