英女王伊利沙伯二世的靈柩目前停放在國會大廈西敏廳，供英國民眾悼念致意。 昨日（16日），過萬名民眾排隊等候進入西敏廳送別英女王，其中前英國球星碧咸（David Beckham）前日亦有送別英女王，雖然貴為明星，但他與平民百姓一樣通宵排隊長達13小時！
據知他於英國時間周五凌晨2點已開始與其他國民一樣排隊等候進場，頭戴帽的他拎住雨傘排隊，更被大批排隊的人士拍照及要求合照。期間他接受傳媒訪問時說：「我最初以為凌晨兩點過嚟會較靜。我錯了。喺呢度啲人，男女老幼。所有人都想喺度，參與呢個經驗嚟慶祝女王陛下為我哋所做嘅一切。我哋所有人都想一齊嚟呢度，慶祝我哋女王嘅美好人生。」碧咸被問到是否等了很久時坦言：「係有啲耐。」有記者問他為何不要求行「快捷通道」，他說：「我只想嚟向我哋嘅女王致敬。」而他在訪問中亦透露期間與其他排隊人士一同分享三文治、薯片、檸檬糖以及咖啡。而進入西敏廳時有傳媒影到碧咸拭淚，不捨之情盡在不言中！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
