藝人陳瀅、蔣家旻、劉佩玥、陳曉華及朱晨麗主演無綫台慶劇《美麗戰場》定檔10月3日播出，新劇由葉念琛執導、編劇及編導，獲曾志偉親自出面邀請嘅佢，以電影方式拍攝，有指佢今次5月尾開拍，8月19日已完成拍攝，前後不足三個月，連同後期製作，依家趕到喺10月初搶閘播出，成功打破無綫紀錄。
近日有傳《美》「快拍快播」剛好迎合曾志偉希望未來劇集組拍攝進度嘅大方向，但連台慶劇都咁快出貨，反而引起唔少無綫監製不滿，覺得葉念琛做壞規矩。有指一般無綫20集時裝劇，如果係以文戲為主嘅劇集，通常拍攝期需要三至四個月，加上三個月後期處理，比起葉念琛嘅《美》用多一倍時間，因此唔少監製就擔心會影響到劇集拍攝生態，因而傳出有不滿嘅聲音。
面對傳聞，葉念琛回覆東網時表示，自己會以平常心去面對，更承諾會如期完成新劇製作：「全力以赴，不眠不休，如期完成後期工作！最重要是帶給觀眾一部好作品！👍🏻👍🏻👍🏻謝謝支持！🙏🏻🙏🏻🙏🏻🙏🏻」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
