無綫劇《黯夜守護者》正在熱播，有網民表示劇中陳敏之與江嘉敏看落似姊妹多過母女，敏之坦言最初也有此擔心：「同監製傾過其實現實中都有類似情況，所以角色設計佢叫我『Da姐』唔叫媽咪，大家睇落去，會交代多啲呢種母女情。」
育有5歲囝囝子樂的敏之，堅持每朝6時駕車送兒子上學，她坦言辛苦但絕對值得：「係有校車，但我唔想，生得佢出嚟就要陪佢，其實個過程好正。」不過她亦自爆原來曾因功課問題至情緒失控：「我以為自己好愛佢唔會鬧佢，但原來喺『做功課』方面嘅EQ好低，試過嬲到將佢本功課掉落地，佢嚇到震晒，最陰功佢自己行去執番，一路同我講對唔住，然後用膠紙黐番爛咗嘅功課，我嗰吓心都痛埋。」事後她與老公商量，亦不再堅持要囝囝讀功課較多的傳統學校，轉而報讀國際學校。
敏之近年減少幕前工作，開始發展護膚品生意，目的是想多點時間陪囝囝，坦言只要囝囝開心成長，將來找到自己的目標便滿足，但笑言最好不要加入娛樂圈：「呢行太辛苦，除非佢真係好鍾意做戲」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
