天王郭富城（城城）向來都係愛妻號兼廿四孝老竇，即使百忙之中都抽空陪伴家人，早前中秋節佢就孖住老婆方媛及兩個囡囡，一家四口於家中天台BBQ兼賞月，見兩個 ...
天王郭富城（城城）向來都係愛妻號兼廿四孝老竇，即使百忙之中都抽空陪伴家人，早前中秋節佢就孖住老婆方媛及兩個囡囡，一家四口於家中天台BBQ兼賞月，見兩個囡囡着上公主裙，化身小公主相當可愛，城城則陪老婆玩燈籠，其中一張相見城城手持燈籠挨向方媛，雙眼迷離，被老婆嘅魅力冧到暈。之後佢哋一家人轉戰維園睇燈飾，見兩個囡囡換上碎花衫，齊齊戴上發光貓耳，十足孖妹一樣，而方媛則同城城自拍放閃，夠晒溫馨。
