江若琳細佬幸福肥身形暴脹！網民賀結婚不忘嘲：難想像係同一個人
江若琳今日（14日）於社交網分享其胞弟Howard結婚的好消息，恭喜Howard找到一個完美老婆。江若琳更上載Howard暴脹前後對比照，刺激Howard是時候要減肥了！
江若琳細佬結婚，江若琳與老公蕭潤邦都有到賀。江若琳細佬脹咗好多。江若琳叮囑成為人夫的細佬要生生性性。江若琳細佬幾年前仲係咁瘦！江若琳分享細佬暴脹前後對比照，網民都留言笑指：「好難想像係同一個細佬！」江若琳大讚細佬搵到個好老婆。
江若琳於社交網留言表示：「由於佢好到自從你地（哋）拍拖後見證住你身形暴脹到一個一發不可收拾既（嘅）地步都知你食得好訓（瞓）得好，生活愉快！從此我無野（嘢）好擔心你了！因為你被照顧得好好。老套野（嘢）唔多講希望你生生性性，乖乖地（哋），唔好見個老婆好蝦就蝦佢，因為如果你地（哋）鬧交我係唔會幫你的，因為一定係你唔岩（啱）！完！」
江若琳又分享Howard幾年前與她的合照，「望下（吓）當年你靚仔既（嘅）容顏，瘦瘦既（嘅）身形，可唔可以振作返少少？」網民都留言表示：「好難想像係同一個細佬喎」、「家姐仲係家姐，細佬已經唔係果個細佬」、「睇完你細佬前後對比我爆笑咗」。江若琳都回覆網民，請大家給Howard一些壓力，鼓勵Howard減肥。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
