江欣燕說：「我最驚係茶餐廳嗰個，記好多嘢食，又4個人8個人嗰啲，之前成日拍劇未轉到，要調頻㗎我哋。我仲記得，好多年我同曾華倩、小慧一齊上嚟玩辣辣壽司，我緊張到，拍到對腳返到屋企係瘀晒。」
問到江欣燕喜歡做嘉賓還是獎老？她回答：「我緊係鍾意玩啦，我唔鍾意做獎老㗎，做獎老睇住人冇得玩好悶㗎。我嗰時試過周秀娜上嚟，佢玩嗰時低腰仔褲有少少走光，有我喺度就可以幫佢囉。」
做獎老是辛苦事？江欣燕笑言做獎老算是休閒。她說：「冇咩做㗎，啲嘢曾志偉做晒。好懷念以前度橋一齊食宵夜，我試過有個game係我度嘅，輸咗就要加啲嘢喺入面飲。」曾志偉要求很高？江欣燕回答：「冇乜嘢嘅，因為佢想件事出嚟smooth，氣氛好，畢竟我哋係做嗰個節目。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
