藝人陳瀅昨日（22日）33歲生日，圈中人緣甚好嘅佢獲大批好友輪住慶祝生日，見佢與JW、王敏奕等人大開生日派對，身為壽星女嘅佢以鮮紅色Deep V晚裝裙上陣，大晒事業線艷壓全場！此外，佢又與JW及朱敏瀚等好友去畫畫，不過《痞子殿下》四小強組合唔齊腳，緋聞男友周嘉洛冇影，反而改由另一緋聞男友羅天宇頂上，由於早前陳瀅受訪時，曾公開表示揀老公會揀羅天宇，加上羅天宇與陳瀅今次作畫巧合地同樣畫上白色小狗，默契十足，即令網民認為2人無意中洩蜜，昔日緋聞再被翻炒。
另外，陳瀅與一眾《美麗戰場》演員拍片分享情史，其中佢自爆曾被前男友家暴：「佢郁腳同郁頭，踢咗一下我隻腳，記得我個頭都好痛。當時係好驚，但過咗陣先分手，驚即刻分手會仲驚。最後過咗個零月先分手。從此就好討厭同太鍾意飲酒嘅男仔一齊。」同場嘅陳曉華則表示同樣有渣男前度，拍拖時曾喺對方屋企發現女性內衣，本來不以為意，但及後分手，男方火速有新戀情，卻同時提出想翻撻一腳踏兩船，令佢先驚覺對方渣男真面目。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
