內地藝人周揚青前年忽然嚟個「毀滅式分手」，踢爆時任男友、台灣舞王羅志祥（小豬）鍾意玩多人運動及出軌等驚人黑料，成功令天王貶為「凡人」，搞到對方用足兩年 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
內地藝人周揚青前年忽然嚟個「毀滅式分手」，踢爆時任男友、台灣舞王羅志祥（小豬）鍾意玩多人運動及出軌等驚人黑料，成功令天王貶為「凡人」，搞到對方用足兩年時間先叫事業有起色，但仍未見有新女友現身。反而周揚青自己就多姿多采，早前就傳佢暗撻細自己10歲、由選秀節目《青春有你3》出身嘅鮮肉男星段星星，點知今日（31日）更有二人公園火辣咀嘴片流出！
有內地媒體斷正二人拍拖出巡，見佢哋夜晚行到摸黑拖手漫步，去到公園時就齊齊並肩坐欄杆吹水，段星星不時摸摸周揚青大髀仔，周揚青又會摸段星星面珠，親密關係不言而喻。二人坐坐吓，段星星跳落欄杆，企到周揚青面前後，兩人就開始旁若無人咁喪咀，錫住一輪周揚青仲意猶未盡，一直攬住男友，最後二人再去睇人釣魚後一同離開。
網友睇完有片有真相之後，就有眼利網友發現段星星同小豬個黑眼圈似到十足，當年因周揚青分手爆料，大家先知小豬係「時間管理大師」，如今新歡同樣黑眼圈嚴重，粉絲就擔心周揚青會再次遇到「時間管理達人」，嗌佢睇清楚對方係咩先好瞓身戀愛，而身為男偶像嘅段星星事業未開始就被爆拍拖，網友就話佢星途都應該凍過水喇。
