日前係「大美人」林青霞68歲生日，佢喺社交網分享靚相，見佢身穿紅色晚裝，睇落容光煥發，精神滿滿，朋友更為佢準備精緻嘅生日蛋糕，令佢相當開心。青霞喺貼文寫到：「上面是博士帽，下面是書，祝賀我拿博士學位和生日出的第四本書《青霞小品》，開心得不得了！」
而青霞趁着68歲生日，仲發文感謝一位幫過佢嘅男士，佢話三十年前有位男士畀咗封信佢，青霞打開一睇，信封裝住一張底片，原來係攝於1990年第27屆金馬獎頒獎典禮。當晚青霞憑《滾滾紅塵》獲頒最佳女主角，但喺落樓梯嗰陣，不慎走光，青霞表示：「那件緊緊貼着身體的小禮服，稍微有了空隙，當時心中有想過會不會穿幫。沒想到就在那一秒，一個閃光進來，剛好捕捉到我左邊上身衣服離開身體的一刻，我的胸部赤裸裸地曝了光。」
事隔多年，青霞依然好感激該位男士，佢感觸話：「狗仔文化充斥全球，我常在想這位給我底片的年輕人，他如何生存？這麼有良知的人在娛樂新聞界會有生存的空間嗎？他也許已經離開了傳媒界從事其他工作了，我猜想。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
