「才子」林敏驄貴為今年無綫視帝大熱，圈中不少好友都祝福他，今日（16日）他就與「波友」譚詠麟（譚校長）、馬國明、張兆輝、吳家樂等齊齊踢波，見到譚校長，阿驄謂：「老細，講句吉利說話！」校長即謂：「發財立品，人紅要謙，識唔識呀！識唔識呀！」阿驄又笑謂：「呀！你老友153（指曾志偉）唔找數喎！連輸幾鑊喎！」校長笑言：「佢話送啲螺頭畀你囉！你謙啲！」阿驄又問他：「想請教吓校長，贏到開巷時應該點做呢？」校長即叫他：「除褲周街走」
之後阿驄又周圍拍片，吳家樂面對鏡頭時，不禁叫聲他「車總」，而馬國明最初則只向鏡頭揮手。之前黃宗澤於訪問中被問到有否信心憑《法證先鋒V》奪視帝時，他笑指很難跟林敏驄爭！林敏驄於鏡頭前向馬國明說：「視帝！你勸吓Bosco唔好亂噏嘢呀！」馬國明一頭霧水謂：「你講呀呢啲嘢！我冇睇喎！我唔明你講咩！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
