無綫55周年台慶節目《萬千星輝賀台慶》今晚（19日）就會喺電視廣播城舉行，全台近300位藝員傾力演出，當中天王郭富城更會以王者姿態駕臨，日前佢就率領超過50位專業舞蹈藝員勁爆綵排，上演《盛舞最強》表演環節，綵排片段亦同樣曝光，等大家先睹為快。今次有星級排舞師Sunny Wong（黃國榮）主理，場面肯定有保證，加上人海陣襯托，淨係綵排都已經夠好睇，加上城城施展渾身解數唱跳，非常認真，由排舞室跳到去電視城現場，今晚真係睇你表演！
而近日佢同屋企人去餐廳包房食飯，正準備離開時，就被網民發現並衝上前拍攝，此舉似乎激嬲城城，見他將方媛及囡囡擋喺身後，又用手指住拍攝者，似乎警告緊對方，最後佢就護住細女Charlotte離開，方媛就拖住大女Chantelle緊隨其後，Chantelle仲望咗眼拍攝者，雖然戴住口罩遮晒樣，但仍睇得出佢眼大大勁可愛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
