藝人麥美恩早前透露曾發展一段遙距離戀愛，最終分手收場，想不到今日出席活動，她冧爆「報喜」，指朋友介紹下認識了一位可發展異性，目前正在觀察及了解中，但對方未夠「試用期」（3個月），加上麥母目前在港，她表示不想確認關係引來壓力。
問到欣賞對方甚麼，麥美恩笑言：「佢有眼光。（睇中你？）哈哈！（佢做邊行？）圈外人，觀察期咋，唔想見家長住，況且嚟緊我又返加拿大嘞。（帶埋佢去？）好，即刻買機票，你哋（記者）嘅提議我會考慮，睇吓佢有乜反應，到時會請你哋飲嘅，放心。」
問到會否閃婚，她說：「可以嘅，係咪要帶兩個椰子返去？我諗呢次親戚朋友會認真地問，你哋開咗個頭，佢哋就會追問。（咁幾時返加拿大？）希望聖誕前後。（會唔會註埋冊返嚟？）加拿大又冇咁快，要排期。我媽咪一定好多謝你哋，幫佢開口問我。（妳踏入中女界線喎。）35歲踏咗條線，身邊啲朋友個個都結婚生仔。（結婚即生？）可以，我個盆骨咁闊。（好生養？）講到咁遠嗱？」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
