2022年11月23日星期三

獨家丨林子超窮到得幾百蚊爭阿媽十幾萬《全城一叮》冠軍奀星追夢血淚史 #全城一叮 #林子超

獨家丨林子超窮到得幾百蚊爭阿媽十幾萬《全城一叮》冠軍奀星追夢血淚史

32歲林子超(Andy)於TVB節目《全城一叮》中，分別變身妖后跳唱《Lindylicious》及晒肌跳鋼管舞成功突圍，最後跟「孖八」(李俊華)齊奪冠軍，獲總經理曾志偉口頭承諾開劇。由2011年NowTV《CEO選拔賽》入行，霉足12年的林子超終於揚名立萬，提起追夢血淚史，Andy試過戶口得三位數要問阿媽借錢度日，連買杯咖啡都唔敢。採訪:方騫平攝影:鄧國良

林子超希望40歲前，在娛樂圈能有發圍機會。



提起追夢血淚史，Andy試過戶口得三位數要問阿媽借錢度日。



最窮時連買杯咖啡都唔敢。



林子超由細到大「我的志願」係做演員。



子超好開心開始受人認識。



林子超好愛唱歌跳舞及演戲「

贏咗《全城一叮》冠軍兼得到拍劇機會，林子超勁開心，賽前唔知道勝出有機會拍劇，製作組只叮囑他要加油，直至曾志偉送出大禮時才呆咗。雖然林子超未收到拍劇消息，但他會靜心等候公司安排，至於冠軍是否有機會孭重飛做主角？林子超說：「又唔敢！只係希望有個好角色，其實有得拍劇已經好開心。」



林子超贏得《全城一叮》冠軍，滿足感好大。



林子超自掏腰包學鋼管舞及操肌，係熱血藝人。



林子超工作無底線，要扮到比女人更女人都無問題。

最霉時唔敢買咖啡飲

童年林子超寫「我的志願」是做演員，為追夢選擇報讀香港演藝學院的現代舞文憑課程，之後再去新加坡一年進修舞台音樂劇。喜歡做演員的Andy從來唔覺自己靚仔：「我反而覺得自己好特別，如果唔做呢行都唔知做乜，其實𠵱家嘅演員唔一定高大威猛，只要啱故事就得，所以一直都等緊呢個機會。」



林子超積極做YouTuber，不時拍有趣片段放上網吸Like。



林子超喺劇《兒科醫生》，同鍾嘉欣飾演兩師徒而結緣。



因為患有先天性心漏病，林子超手術後在胸口留下一道10吋長疤痕。

林子超星途崎嶇，做咗「奀星」多年拍劇機會唔多，試過被經理人睇小，又試過戶口得幾百蚊，他憶述追夢慘況仍歷歷在目：「因為唔想喺NowTV做主持被定型而祼辭，最坎坷唔知機會幾時來臨，空窗期曾見過一啲經理人，換嚟一盤冷水『做乜演員呀?都做唔到㗎做主持好過。』但我唔服輸，因為都未畀過機會我，而且嗰時得24歲，仲有時間等機會。」等機會等到戶口得返三位數，「最慘當時全副身家得返幾百蚊，又睇唔到將來條路係點，好彩媽咪好錫我，會主動支持我，個個月攤大手板搵阿媽接濟，講起都唔好意思，好似好不孝咁。」林子超一等就等足兩年，借咗阿媽10幾萬，數簿愈嚟愈厚：「其實我有慳住使，連買杯咖啡都唔敢，轉身走返去便利店買紙包飲品算數。」



林子超是家中孺仔，自小得父母疼愛。



林子超喺NowTV做咗幾年主持，為拍劇而辭職。

試過匿埋喊想做城城

後來林子超獲邀為《Think Big天地》及一間幼稚園教舞，有返穩定收入後再任性地留喺娛樂圈，目標40歲前搵到機會。2017年，有幸演出梅小青監制的劇集《宮心計2深宮計》，飾演被毒殺小人物『陳茗風』，角色都算有人留意：「我分兩年還晒啲錢畀阿媽。」霉等多年，Andy當然有心灰意冷時候，「呢行係消費式工作，學唱歌、跳舞都要錢，自問冇條件做全職演員，有時拍完戲仲要去教舞真係有少少攰，試過匿埋喊，但我係一個永不放棄嘅人，對演戲、跳舞好有火，會堅持，最想梗係成為郭富城啦。」因為心中團火燒到好勁，林子超強調拍劇冇底線，BL題材都唔介意。最後他點名多謝阿Bob拔刀相助：「佢主動幫我兩次，喺佢社交平台post圖文做宣傳，我力量太少，多得佢先至多人認識我，好感恩。」