藝人何遠東（東東）於無綫新劇《異空感應》中，繼續扮演「萬年好友」，對女主角陳曉華有愛慕之情，奈何對方只視他為「閨蜜」，不過二人卻拍戲拍出真感情，東東近日落力為憑3套劇包括《異搜店》、入圍角逐台慶頒獎禮「最佳女主角」的陳曉華拉票，並於自己社社平台出貼文：「1月8日，頒獎典禮全部投陳曉華！1月3日，更重要，陳曉華生日！」
東東事後笑說：「佢咁乖又努力，我梗係投佢一票，送份生日禮物畀佢啦，我哋呢啲前輩，一定要支持新人嘅。（你今次拍劇破例有感情線，仲要同靚女喎。）我仲同佢有『床戲』添，因為同陳曉華坐喺張床拍嘛，哈哈！」東東又打趣對上一次拍戲的感情線，「獻給」了楊卓娜：「總之位位都係靚女，各有韻味，大家唔好羨慕我嘅艷福。」
另外，對於被指「肥唔番」，有網民既妒且羨，東東則表示：「錯覺啫，呢兩年都係咁上下，我仲食番多咗嘢，體重好似增咗少少，但都有keep住運動。其實肥瘦數字嚟啫，最緊要身體健康，好彩好多同事讚我精神咗。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
