中日混血兒裕美日前在社交平台出尋人啟示，以珍貴童年舊合照希望尋回失散多年的爸爸和田具久，相隔一日終有最新消息令她非常振奮。
裕美貼出與爸爸當年合照留言：「尋爹啟示：我阿爸（和田 具久）身高6尺幾，日本茨城人，如見到他請聯絡我，自我12歲後（小學六年級之後）已失聯。」她接受《香港01》訪問時指：「想搵咗好耐，但一直喺香港都忙，知道一定要去日本搵，一日一日咁過去，如果再唔的起心肝行動就可能太遲，唔知現在會唔會可能都太遲啦，但日本人好長壽，可能明年會出發去搵。」
一連幾個POST裕美分享多張日本生活時的童年照，相片中裕美眼大大留有小丸子般髮型相當可愛。多得網友及傳媒廣傳，裕美興奮表示：「熱心既網友，傳了一個Twitter給我，不知是否真的是我爸爸，現在心情非常滾動，但相中照片是我。剛剛download 左Twitter 亦follow 了他，岀左一個post ，如果他是真的，我希望他會回覆 ，等待中。。。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
