「大美人」林青霞最近去到台灣大搞新書發布及宣傳，佢接受台媒專訪時，就罕有透露幸福婚姻生活同未來規劃。主持人問到佢多本書中，丈夫邢李㷧只出場一次嘅原因係咩？女神終於鬆口，講到因為自己丈夫同囡囡都非常低調，其實一直對佢哋感抱歉，丈夫娶佢要付出嘅最大代價就係必須出現喺媒體上，屋企人都唔鍾意頻繁出現喺大眾面前，所以對於佢嚟講，將過多家庭生活寫入作品中係禁忌，只有偶爾透露少少，但唔可以畀佢哋知道，若被知道，丈夫同囡囡可能都會嬲豬。林青霞仲話自己返香港後，屋企人甚至唔畀佢喺屋內影相。當被問到會點樣形容老公時，林青霞就話：「就是一張白紙，甚麼都不畫。」
今年林青霞獲得香港大學名譽博士學位，佢表示當得知消息時，並唔覺得自己有資格得到呢個學位，難以欣然接受此殊榮，但後嚟佢轉念思考，自己應該要做得更好去接近「名譽博士」榮譽，唔好辜負大家對佢嘅期望，「香港大學名譽博士」變成對林青霞嘅一個光源、一絲光線，仲話寫作會成為佢人生一大部分，佢人生都會以寫作為主。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
